Mtindo Katika Uwasilishaji wa Hadithi - DAMU NYEUSI NA KEN WALIBORA

1. Viona Nyuma/Mbinu rejeshi

Mwandishi ameyasawiri matukio yaliyotokea katika mandhari mengine, kwa mfano:

1. Alikumbuka siku zake za fahari alipofuatia waragi kwenye kitongoji duni cha kibuye jijini Kampala, gongo kwenye vichochoro vya Ubungo, Dar es Salaam, na chang’aa kenye fondogoo la Mathare, Nairobi. (Uk.22)
2. Kauli ya Baba wa talifa la Kenya, rais Daniel arap Moi “msifikiri kwamba Mzungu anatupenda sisi watu weusi.” (Uk.22)
3. Kama angekuwa kwao Afrika, mtu angefanya hisani ya kumwambia “Aisee funga duka” badala ya kumwitia polisi. (Uk.24)
4. Fikirini alipomuona mweusi mwenzake, alikumbuka dada zake kule nyumbani Afrika Mashariki (Uk.25)

Mbinu hii imesaidia katika kujenga dibaji ya kuelewa muktadha wa uchimuzi wa hadithi hii
 

2. Kejeli

Mbinu hii imetumiwa kubainisha zaidi dharau waliyo nayo. Wazungu weusi dhidi ya Waafrika, kejeli zilizotumiwa ni kama vile:

1. Je, kule kwenu watu wanavaa nguo au wanatembea rabana? (Uk.23)
2. Mtu anaugua ukimwi, malaria, polio na utapiamlo huko Afrika? (Uk.23)
3. Ulivaa nguo mara ya kwanza ulipotua kwenye uwanja wa ndege hapa Marekamo? (Uk.23)
4. Ni ipi mji mkuu wa Afrika? (Uk.23)
5. Huu weusi wenu unaozidi kiza unatokana na kuangukiwa na lami au kupigwa na mionzi ya jua? (Uk.23)
6. Nasikia wasichana wenu wote mnawakeketa na kuwashona ili kuzuia ukware (Uk.23)
7. Je mnaishi mitini kama tumbiri?

3. Taswira

Mbinu hii inahusu picha inayoundwa katika fikira za msomaji baada ya kuzingatia kauli au kisa chochote kinachowasilishwa katika hadithi hii.

1. Dereva mweupe mwenye moyo mweusi. (Uk.22)
2. Kote weupe wa theluji umehanikiza na kufunika kila kitu (Uk.22)
3. ....Mara ya kwanza alipojikuta darasani yeye peke yake mweusi, kisiwa cheusi kwenye bahari ya weupe (Uk.23)
4. Kwa desturi Fikirini huvaa tabasamu na kuonyesha bashasha na kutikisa kichwa kwa moyo mkunjufu (Uk.25)
5. Siku ya kufa, kifo cha aibu na nguo amevuliwa (UK29). Hapa ni pale ambapo Fikirini alikuwa anahangaishwa na Bob akiwa na Fiona.
6. Alijitosa nje, tupu tupu kama amevuliwa. (Uk.29)
7. Damu nyeusi (anwani ya hadithi)
8. Tafakari Fikirini akitiwa mbaroni na polisi kwa kutofunga zipu.
9. Tafakari mandhari ya chumba cha akina Fiona kiivyokuwa kichafu na vitu kutapakaa.

• English KCSE Set Books
• ENGLISH GRAMMAR #KCSE
• Standard 8 (std) English Topical Questions
• ENGLISH POETRY WITH ANSWERS
• KCSE History Topical Questions

4. Taashira

a) Theluji
Theluji iliyopatikana ughaibuni ni ishara ya ukosefu wa utu ambao umesakini kote Marekani; si miongoni mwa watu weupe tu bali hata wamarekani weusi.
b) Weusi na weupe
Anaporejea dereva, dhana ya weusi wa moyo wake inarejelea ukosefu wa utu. Katika miktadha mingine, rangi nyeusi pamoha na damu nyeusi dhidi ya Waafrika, mizizi kule marekani, weupe ni ishara ya ubaguzi.

5. Majazi

Jina Fikirini limetokana na abia ya mhusika huyu ya kuwaza kila wakati. Yeye hujipata katika hali mbaya kila wakati inayomlazimu kuwaza sana.

6. Kinaya

Ni kinaya kuwa Bob na Fiona wanadhaliisha Fikirini na ilhali wao ni weusi kama yeye.
Ni kinaya kuwa mama mzungu na polisi wanamsumbua Fikirini eti kwa kukosa kufunga zipu. Wanafaa wamwonyeshe ukarimu na utu kwani yeye ni mgeni.

PAKUA PDF

---