“Huku ni Sagamoyo, naomba kukukumbusha kuwa serikali na katiba ni mambo mawili tofauti kabisa!”

​“Huku ni Sagamoyo, naomba kukukumbusha kuwa serikali na katiba ni mambo mawili tofauti kabisa!”

​a) Eleza Mukutadha wa mambo haya.   (alama 4)

​i. Msemaji: Ngurumo
ii. Msemewa: Tunu
iii. Mahali: Mangweni (kwa mamapima/Asiaya)
iv. Kiini: Sudi na Tunu walipotaka kujua sababu ya Mamapima kudai kuwa ana kibali cha kuuza pombe haramu.  (4x1=4)

​b) Msemaji ana umuhimu gani katika serikali inayotajwa.    (alama 6)

​i. Ngurumo ni kielelezo cha namna vijana walevi wanavyotumiwa na viongozi kuendeleza maovu katika jamii. Alitumiwa kumshambulia Tunu na kumuumiza.
ii. Anadhihirisha namna vijana wanavyotekwa akili kwa njia rahisi kwa malipo kichele (fedha kidogo)
iii. Viongozi wenye ubinafsi wanajali maslahi yao tu na kutumia vijana ambao ni nguvukazi ya taifa vibaya. 
iv. Anaonyesha kuwa watawala waovu hawawezi kuendeleza utawala wa mabavu bila kutumiaraia wengine.
v. Kifo cha Ngurumo kinadhihirisha ukatili wa Majoka ambaye hakuonyesha chembe cha huruma alipojulishwa juu ya kifo cha Ngurumo.
vi. Anadhihirisha athari mbaya za ulevi zinavyoambatana na tabia zingine mbaya za upyaro na uzinzi.   (6x1=6)

​c) Fafanua kasoro zozote kumi za serikali inayorejelewa.   (alama 10)

1. Viongozi ni wabinafsi: Viongozi katika serikali hii wanajinufaisha na kufaidi matunda ya uhuru huku wananchi wa Sagamoyo wakiumia. Majoka anaamua kufunga soko la Chapakazi, ambalo ni tegemeo la Wanasagamoyo; badala yake ajenge hoteli yake ya kifahari.
2. Viongozi wanaendeleza ufisadi. Majoka anamtengea mshauri wake (Kenga) kiwanja katika soko hilo.
3. Ukiukaji wa katiba: Uongozi unakiuka katiba ya nchi, hali ambayo inaelekea ukosefu wa demokrasia. Mwandish anaonyesha suala hili wakati Ngurumo anamtahadharisha Tunu kuwa serikali ya Sagamoyo na katiba ni mambo mawili tofauti kabisa; hivyo asishangae kuona pombe haramu ikitengenezwa na kuuzwa wakati sharia zinazuia kufanya hivyo.
4. Uonzozi wa Majoka hauthamini utu wa kibinadamu. Utawala wake unaua vijana watano wa kampuni yake waliokuwa wameandamana kudai maslahi yao.
5. Uongozi wa Majoka hauheshimu uhuru wa vyombo vya habari kama vile runinga, magazeti na mitandao ya kijamii. Baada ya runinga ya Mzalendo kurusha mubashara (live) maandamano yaliyoongozwa na Tunu Majoka anaamuru runinga hiyo ichukuliwe hatua ambazo aghalabu ni kufungiwa.
6. Pana matumizi mabaya ya vyombo dola. Askari wanawapiga watu baada ya kutiwa korokoroni. Kwa mfano, baada ya Ashua kuwekwa nguvuni Sudi anaambiwa na Chopi kuwa anaona atapata fursa nyingine ya kumfanyia uhayawani huenda si mara moja au mbili.
7. Uharibifu wa mazingira:  Kigogo anaruhusu biashara ya kukata miti. Hii inasababisha Sagamoyo ikumbwe na ukame na njaa. 
8. Vitisho kwa raia. Uatawala wa Majoka unatoa vitisho kwa raia ambao wanaonekana kupinga utawala wake. Kwa mfano vijikaratasi ambavyo vilitaka jamii ya kina Kombe na Siti ihame. 
9. Hakuna uhuru wa kuandamana kudai haki. Vijana watano wanauawa wanapokuwa kwenye maandamano. 
10. Viongozi wanaanzisha miradi isiyofaidi wananchi kivyovyote vile. Kwa mfano kampuni ya kuzalisha sumu ya nyoka na mradi wa kuchonga vinyago.
11. Sekta ya elimu imepuuzwa. Wanafunzi katika shule ya Majoka academy hawafuzu, wanaishia kuwa makabeji.
12. Wanasagamoyo wanalipishwa kodi na kitu juu.   (10x1=10)