“La, Mzee…. Mbio za sakafuni zimefika ukingoni” (al 4)

“La, Mzee…. Mbio za sakafuni zimefika ukingoni” (al 4)
(a) Eleza muktadha wa dondoo hili
(b) Mbio zipi zimefika ukingoni? (al 4)
(c) Fafanua maudhui mawili yanayojitokeza katika dondoo lenyewe. (al 4)
(d) Taja mbinu za lugha zinazojitokeza hapa. (al 4)

​(a) Eleza muktadha wa dondoo hili (al 4)
(i) Maneno ya Kenga
(ii) Anamwambia Majoka
(iii) Nje ya lango la soko la Chapakazi
(iv) Baada ya Majoka kulalamika kuwa Kenga alikuwa ameshindwa kazi kwa kuwakubali wapinzani kufika pale sokoni.

(b) Mbio zipi zimefika ukingoni? (al 8)

• Mbio za kusalia uongozini na kuendelea kuwanyanyasa raia wa Sagamoyo ndizo zimefikia kikomo.  Wananchi sasa wameamka kudai haki zao bila hofu.
• Wafuasi wa Majoka wamemgeuka hadi watu wake wa karibu.  Tunaona Kenga, mshauri wake wa karibu akiamua kukubali kushindwa.
• Vilevile Kingi ambaye ni kiongozi wa Polisi amekataa kutii amri ya Majoka ya kutaka awapige risasi watu waliokuwa wakimshangilia Tunu.  Hii inaashiria kuanguka kwa utawala wa Majoka.
• Matumizi ya sumu ya nyoka – mbinu mbaya na dhalimu za Majoka zinafikia ukingoni.
• Kuendelea kunyanyaswa na vigogo kama Kenga na Majoka kunafikia mwisho
• Soko kufungwa ili apate ardhi ya kujenga hoteli.

(c) Fafanua maudhui mawili yanayojitokeza katika dondoo lenyewe. (al. 4)

• Maudhui ya mabadiliko na mapinduzi: Uongozi umebadilishwa.  Ingawa Majoka ni kiongozi aliyeachaguliwa na Wanasagamoyo, anapowatusi na kuwaita raia wasaliti, watu wanaotaka kumpiga wanaanza kumjongelea; ishara ya kuzinduka.  Kenga, Chopi na Hudsa wanamzunguka na kumtoa jukwaani.  Mapinduzi ya kuporomoka kwa utawala dhalimu yanatokea.
• Maudhui ya Ustaliti: Kenga, mshauri mkuu wa Majoka anawasaliti Wanasagamoyo.  Kenga anampa Majoka ushauri mbaya wa kufunga soko la Chapakazi.  Hata hivyo anapoona mambo yameharibika anamsaliti Majoka na kujiunga na wanaharakati.
• Uongozi mbaya wa vigogo kama Majoka unafika mwishso.
• Ubinafsi katika kumiliki raslimali ya umma unafika mwisho.
• Kutoa hongo kwa vigogo kunafika mwisho.

(d) Taja mbinu za lugha zinazojitokeza hapa?  (al. 4)

• Mdokezo: kuna alama za dukuduku zinazoonyesha kwamba yapo maneno yaliyosalia.
• Taswira: msomaji anapata taswira ya namna utawala wa Majoka unavyoanguka.
• Jazanda: mbio zinaweza kuashiria mikakati ya majoka kusalia madarakani.
• Methali: mbio za sakafuni huishia ukingoni.  Methali madarakani imefikia ukomo.