SIPENDI KUCHEKA - USHAIRI MASWALI NA MAJIBU MODEL16122022001

​SIPENDI KUCHEKA

​Pana jambo nanatukiya, kwangu hilo ni muhali
Kitenda naona haya, kujishusha yangu hali
Sipendi unipe hidaya, sipendi kutenda hili
Sipendi mimi kucheka

​Sipendi  mimi kucheka , kuchekea mawa
Sipendi ya dhihaka, kwangu nyemi hiwi
Sipendi kwa hakika, mwovu kistawika
Halafuye nikacheka!
Maskini akiteswa
Yatima akinyanyaswa
Mnyonge naye akinyonywa
Sipendi hata ikiwa
Unazo nguvu najuwa
Ni hili sitatekezwa

​Mbona lakini nicheke,  kwayo furaha?
Na wewe ukajiweke, uli na siha
Na yatima pweke, wa anahaha?
Amenyimwa haki yake, hanayo raha!
Na moyo wangu ucheke, kwa ha! ha! ha!
Kucheka kwa kuchewa mimi katu sitacheka.

maswali na majibu

a) Hili ni shairi la aina gani? Thibitisha jibu lako kwa kutaja mifano miwili.  (alama 3)

Shairi huru

• Hakuna urari wa vina
• Vipande vinatofautiana
• Idadi ya mishororo inatofautiana
• Mizani haijitoshelezi.                                                         

b) Kwa nini mshairi hataki kucheka.   (alama 3)

• Atakuwa anajishusha hadhi
• Hapendi kuchekea mabaya
• Hapendi dhihaka
• Hapendi kucheka mnyonge aliyenyimwa haki
• Anaona haya kucheka                                                 

c) Eleza umbo la ubeti wa tatu wa shairi hili.     (alama 4)

• Una mishororo sita
• Mishororo mitano ya kwanza imegawika katika vipande viwili huku miwili ya mwisho ikigawika katika kipande kimoja
• Haina urari wa vina
• Vina vinatofautiana toka ubeti mmoja hadi mwingine.       

d) Tambua nafsineni katika shairi hili.        (alama 2)

​Mtetezi wa wanyonge

e) Tambua toni ya shairi hili.        (alama 1)

​Toni ya huzuni/malalamiko/masikitiko

f) Dhihirisha matumizi ya uhuru ufuatao katika shairi hili.        (alama 2)
i. Tabdila
ii. Kuboronga sarufi

i. Tabdila   - najuwa badala ya najua
ii. Kuboronga sarufi -    sipendi mimi kucheka- mimi sipendi kucheka

g) Andika ubeti wa pili kwa lugha ya nathari.       ( alama 3)

​Mshairi anasema hapendi maskini akiteswa na mayatimakunyanyaswa naye mnyonge akinyonywa. Hata ikiwa anayewanyanyasa ana nguvu, anajua kuwa hili halitamtikisa

h) Eleza maana ya misamiati ifuatayo kama ilivyotumika katika shairi hili.    (alama 2)
i. Hidaya
ii. Nyemi

i. Hidaya- zawadi
ii. Nyemi – furaha