USHAIRI MASWALI NA MAJIBU MODEL16122022002

USHAIRI MASWALI NA MAJIBU MODEL16122022002

​​Naingia ukumbini, nyote kuwakariria,
Ushairi niwapeni, hoja nitawaachia,
Mnipe masikioni, shike nachoeleza,
Taifa sio taifa, pasi kuwa maadili.

​Naanza kwa uzalendo, nchi yetu tuipende
Yadhihirishe matendo, nchi yetu tuipende,
Wa kila mtu mwendo, usije kawa mpinde,
Taifa sio taifa, pasi kuwa maadili.

​Linda demokrasia, uongozi tushiriki,
Haki kujielezea, wachotaka na hutaki,
Changu  naweza tetea, demokrasia haki,
Taifa sio taifa,pasi kuwa maadili.

​Tuwe na uadilifu, twache tamaa na hongo,
Tusiwe na udhaifu, wa kuwa watu waongo,
Tukomeshe uhalifu,  kisha tuache maringo,
Taifa sio taifa,  pasi kuwa na maadili,

​Ubinafsi si adili, ila ni kusaidia,
Ukiwa nayo mali, asiye nacho patia,
Kama mtu mswahili, ubinafsi mtu achia,
Taifa sio taifa , pasi kuwa na  maadili.

​Na inavyoelezea,katiba ni kielezi,
Tutii kwa mazoea, hadi kijacho kizazi,
Kwa hayo nitamwachia, hiyo ya ziada kazi,
Taifa sio taifa, pasi kuwa maadili.

maswali

​a) Eleza mambo  yoyote manne ambayo mshairi anashauri taifa lifanye  ili kuwa na maadili.  (alama 4)

a) Eleza mambo  yoyote manne ambayo mshairi anashauri taifa lifanye  ili kuwa na maadili.   (alama 4)

1. Kuwa wazalendo/kuipenda nchi yao
2. Kuwa na umoja/ kuacha ukabila
3. Kuwa na mgao sawa wa raslimali
4. Kuacha tama
5. Kukomesha uhalifu
6. Kuacha maringo
7. Kutii katiba
8. Kuacha ubinafsi na kusaidiana.     Zozote  4x1

​b) Eleza mtindo wowote ule uliotumika katika shairi hili.     (alama 2)

a) Eleza mtindo wowote ule uliotumika katika shairi hili.   (alama 2)

• Msemo – nipe masikioni- nipe sikio
• Jazanda / istiari- kawa upinde
• Takriri – kawa mpinde
• Tashbihi – kama mtu mswahili
• Utohozi – demokrasia, bajeti.      Zozote 2x1

​c) Ainisha shairi hili kwa kuzingatia vigezo vifuatavyo:     (alama2)
i. Mpangilio wa vina
ii. Vipande katika mshororo.

a) Ainisha shairi hili kwa kuzingatia vigezo vifuatavyo:     (alama2)
(i) Mpangilio wa vina
Ukaraguni- vina vya kati na vya mwisho vinabadilika toka ubeti hadi mwingine
(ii) Vipande katika mshororo.
Mathnawi- limegawika katika vipande viwili

​d) Bainisha nafsi neni katika shairi hili.   (alama 2)

​Mwananchi/raia/mzalendo/mkereketwa

​e) Eleza toni ya shairi hili.     (Alama 2)

​Kunasihi/kushawishi/kuhimiza

​f) Eleza umuhimu wa aina mbili za uhuru wa kishairi zilizotumiwa katika ubeti wa nne.      (alama 4)         

• Kubananga/kuboronga sarufi -uongozi tushiriki
  Umuhimu- kuleta urari wa vina
• Utohozi- demokrasia 
  Umuhimu- kuleta urari wa vina
• Inkisari  - pasi badala ya pasipo
  Umuhimu- kuletya urari wa mizani

     Aina   =1        2x2 =4
    Umuhimu =1

​g) Andika ubeti wa pili kwa lugha tutumbi.    (alama 4) 

​Naanza kwa kueleza uzalendo kwamba tuipende nchi yetu. Matendo yetu yaonyeshe kuwa tunaipenda nchi yetu.Tabia ya kila mtu ionyeshe msimamo . Nchi haikamiliki bila ya kuwa na matendo mema.   4x1=4